Popular Bible Verses from Roma 15

Share

Kawan konduang! Mohotara co mihi horapan indan ito. Akuh bodoa awi ikan porocaya ma Kristus, maka Mohotara angar umpi ikan korinah jorih jerah hintang bolum ma kongolandah kongolami. Akuh bodoa indam me ina kuasan Roh Mohotara umpi ikan sasar boharap ma-Eh.

Kokon aranaang co tonulih batuh ponah Surat Borasih, tonulih ina majar mara ito. Kawan bara cioh ngonohon atoi to hintang umpi ito botahan noharep kosusah. Ma iyoh, ito tomara ika to boharap ma Mohotara.

Are iyohco Mohotara co ngorohon atoi to hintang umpi ito botahan nohimo pondoritaan. Akuh bodoa ina Are umpi ikan bolum ponah kohico sosuai ma kojere Kristus Yesus. Paluh, ma ico atoi hintang ico suara, ikan samah-samah lian nara Mohotara hintang Tama ingkan Yesus Kristus, Tuhan co bokuasa ma ito.

Awi kokon iyoh, ikan sobulih hotorima ico ma co bokon samah isan Kristus ocop norima ikan. Nguanbat iyoh ina Mohotara tonara.

Ito co borohon porocaya ma Yesus sobulih dohop dulun co kurang borohon. Ito sobulih momporhati ome co pio ika dohop dongan jarin meleh borohon porocaya. Ito sobulih bousaha ngonyorih ico ma co bokon. Arohboh ito baya ngonyorih arop to tarop.