Popular Bible Verses from Roma 14

Share

Awi, Korojaan Mohotara aroh soal poraturan ongkun ponguman, tapi soal bolum ma kobujur, bolum ma kolandah, hintang bolum ma kojorih jerah. Kokon taiyoh ingkan Roh Mohotara. Dulun co molayani Kristus ma cara kobolum isan iyoh, are ngonyorih songan Mohotara hintang tomohormat kolunon.

Tapi, amun ito bolum, ito bolum ika ngonyorih Tuhan. Amun ito matoi, ito matoi ika ngonyorih Tuhan. Jadi, amun ito bolum atawa matoi, ito iyohco tioh Tuhan.

Awi iyoh, ito sobulih bousaha ina alogawin to umpi kokon to bolum landah. Ito sobulih bousaha dohop dongan to ika meleh borohon porocaya ma Yesus.

Tului iyoh, arohboh ito hosala bat! Tapi, ito sobulih bousaha ina to aroko nguan aranaang co boraoi umpi konduang soiman nahak ponah dosa.

Oko tonulih ponah Surat Borasih: “Tuhan mantun, ‘Ma arop-Kuh tarop sobagai Mohotara co bolum, Akuh mantun, Uras dulun angar nukup bolutut nyan tohimo-Kuh. Uras dulun angar mongaku bahawa Akuhboh Mohotara.’ ” Jadi ito hopomasing sobulih botangung jawab ma kokon kuan gawin to ma Mohotara

Nyambutboh ma koramah dulun co incah kurang koyakin eh. Arohboh hokohojat ma are tintun kawan pondapat eh.

Dulun cioh iyohco polayan tioh Tuhan, bokon tikan. Jadi, ikan arelu oko hak ika mutus sala atawa buah. Amun are tahak atawa tonjok, iyoh urusan Tuhan co bokuasa ma are. Tapi mositi are angar tenden buah awi Tuhan bokuasa umpi are tonjok tongkorong.