Popular Bible Verses from ማቶሳ 6

Share

ሽን ኡባፈ ስን ፆሳ ካዎተነ እያ ፅሎተ ኮይተ፤ ሄ ኡባይ ህንተዉ ጉጅ እመታና።

ሄሳ ግሾ፥ ዎንቶስ ቆፕሸ ኡንኤቶፍተ። ዎንቶይስ ዎንቶስ አቆ፤ እስ እስ ጋላሳይ ባዉ ግድያ መቶራ ደኤስ።

“ህዛ፥ ስእተ! ህንተ ደኦን ዳናዉ፥ ‘አይ ማኔ? አይ ኡያኔ? አይ ማአኔ?’ ግድ ኡንኤቶፍተ፤ ደኦይ ካፈ ዎይኮ አሳተ ማኦፐ አኔ?

ሽን ኔኒ ዎስያ ዎደ፥ ነ ሶ ገላ፥ ዉላ ጎርዳዳ ጌማን ደእያ ነ አዋኮ ዎሳ፤ ጌማን ኦሰትዳይሳ በእያ ነ አዋይ ነዉ ዎይቱዋ እማና።

“ህዛ፥ ህንተ ያግድ ዎስተ፦ “ ‘ሳሎን ደእያ ኑ አዋዉ፥ ነ ጌሻ ሱንይ አንጀቶ። ነ ካዎተይ ዮ፥ ነ ሸነይ ሳሎን ሀንዳይሳዳ ሳአንካ ሀኖ።

ጋላሳ ካ ሀች ሀች ኑስ እማ።

ኑኒ ኑና ቆህዳይሳታ፥ አቶ ገይሳዳ፥ ኑስካ ኑ ቆሁዋ አቶ ጋ።

ኑና ኢታፐ አሻፈ አትሽን፥ ፓጨን ገልሶፋ። [ካዎተይ፥ ዎልቃይነ ቦንቾይ መርናዉ ኔሳ፤ አምንእ።’]

“ህንተ ህንተና ቆህዳይሳታ አቶ ጊኮ፥ ሳሎን ደእያ ህንተ አዋይ ህንተ ቆሁዋካ አቶ ጋና።

ሳሎ ካፎታ ፄልተ፤ ኤንቲ ዘሮኮና፥ ቡጮኮና፥ ሻለን የጎኮና፥ ሽን ህንተ ሳሎ አዋይ ኤንታ ሙዜስ። ህንተ ኤንታፈ ዳሮ አከቲ?

“ብል ምያ በሳን፥ ብራት ሽእያሶን፥ ካይሶይ ቦክድ ኤክያሶን፥ ሀ ሳአን፥ ህንተዉ ሻሎ ሺሾፕተ። ሽን ብል ሞናሶን፥ ብራት ሽኦናሶን፥ ካይሶይ ቦክድ ኤኮናሶን ሳሎን ህንተዉ ሻሎ ሺሽተ። ነ ሻሎይ ደእያሱዋን ነ ዎዛናይ ደአና።

“እስ አስ ናምኡ ጎዳስ ሃረታናዉ ዳንዳኤና። እሱዋ ዶስኮ ሀንኩዋ እፄስ፤ ዎይኮ እሱዋ ቦንችኮ ሀንኩዋ ካስ። ፆሳስነ ሚሸስ ሃረታናዉ ዳንዳኤከታ።

ህንተኖ፥ አማኖይ ፓጭዳይሳቶ፥ ፆሳይ ሀች በንትድ ዎንቶ ታማን ዎናዉ ደእያ ማታ ያትድ ማይዝያባ ግድኮ፥ ህንተና ኤንታፈ አድ ዋት ማይዘኔ?

ሽን ህንተ ማንቆታስ እምያ ዎደ ህንተ ኡሻቻ ኩሸይ ኦይሳ ህንተ ሀድርሳ ኩሸይ ኤሮፖ፤ ህንተ እሞይ ጌማን ግዶ። ጌማን ኦይሳ በእያ ህንተ አዋይ ህንተዉ ዎይቱዋ ቆንጨን እማና።

“አስ በኦ ግድ ህንተ ሎኦ ኦሱዋ አሳ ስንን ኦናዳ ናገትተ። ሄሳ ሀኖና እፅኮ ሳሎን ደእያ ህንተ አዋፐ ዎይቶ ደመከታ።

“ህንተ ፆምያ ዎደ ጩቦታ ካዮቶፍተ። አይስ ጊኮ፥ ኤንቲ ፆመይሳ አስ ኤራና መላ ባንታ ሶምኡዋ ቅታዮሶና። ታ ቱማ ኦዳይስ፤ ኤንቲ ባንታ ዎይቱዋ ኤክዶሶና። “ሽን ኔኒ ፆምያ ዎደ ነ ሶምኡዋ ሜጫ፥ ነ ሁጵያ ትየታ። ሄሳዳ ነ ኦኮ ነ ፆምያ ፆማይ አሳፐ ጌምዳይሳ፥ ሽን ጌማን ደእያ ነ አዋይ ኤርያ ፆማ ግዳና። ጌማን ኦሰትዳይሳ በእያ ነ አዋይ ነዉ ዎይቱዋ እማና።