Popular Bible Verses from Kirjeine rimalaižile 8

Share

Mö tedam, miše kaik radab hüväks nenile, ked armastaba Jumalad da keda hän ičeze tahton mödhe om kucnu ičezennoks.

Lujas uskon, miše ei surm, ei elo, ei angelad, ei toižed hengvaldad da väged, ei nügüdläine da ei tulii, ei korktuz՚ da ei süvüz՚, ka nimi toine tehtud ei voi erigoitta meid Jumalan armastusespäi, kudamb om tulnu sil՚mnägubale Hristosas Iisusas, meiden Ižandas.

Heng mugažo abutab meile meiden vällüziš. Ved՚ mö em tekoi, miš da kut pidab loita. No Heng iče pakičeb meiden poles sanatomil hengahtusil.

Ka midä mö sihe sanuižim? Ku Jumal om meiden polel, ka ken voib olda meid vasthapäi?

Ka sid՚ jo ei ole nimittušt kadondsudad nenile, ked eläba Hristosas Iisusas i ei elägoi grähkhižen taban mödhe, a Hengen mödhe.

Grähkhižen taban himod toba surman, Hengen tahtod – elon da mirun.

No kaikiš neniš ahtištusiš meile andab täuden päzutandan hän, kudamb meid armastab.

Minä tulin mugomaha mel՚he: necen aigan mokad oma tühjad sen tulijan korktan arvon rindal, kudamb avaidase meiš.

Mi voib erigoitta meid Jumalan armastusespäi? Tusk vai ahtištuz, küksend, näl՚g vai gol՚l՚uz՚, varukahad azjad vai sured veičed?

I Jumal, kudamb tundeb rahvahan südäimed, tedab, midä Heng tahtoib, sikš ku Heng pakičeb uskojiden poles Jumalan tahton mödhe.

Kaik, keda Jumalan Heng vedäb, oma Jumalan lapsed.

Ken eläb grähkhižen taban mödhe, sil oma meles ezmäi kaiked hibjaližed azjad, a Hengen mödhe eläjil oma himod-ki Hengen karččed.

Ku hän ei žalleičend ičeze Poigad, a andoi hänele kolda kaikiden meiden tagut, ka kutak hän ühtes Poiganke ei lahjoičiži meile kaiked tošt-ki?

Se Heng ühtes meiden hengenke iče todištab, miše mö olem Jumalan lapsed. No ku olem lapsed, ka olem mugažo jäl՚gestusen sajad, Jumal andab meile jäl՚gestusen ühtes Hristosanke. I ku ühtes Hristosanke tirpam mokid, ka korktaha arvoho-ki päzum ühtes hänenke.

Grähkhižen taban tahtod libuba Jumalad vasthapäi, sikš ku ned ei tahtoigoi olda Jumalan käskišton al da ei voigoi-ki olda.

Kaik se, mi om Jumalal tehtud, lujas varastab sidä, konz ozutasoiš Jumalan lapsed.

Mö tedam, miše kaik, mi om Jumalal tehtud, tähäsai ohkab da mokičese sündutandkibuiš