Popular Bible Verses from Kirjeine rimalaižile 11

Share

Ka kaik om hänespäi, hänen kal՚t i hänen täht. Olgha hänele igän korged arv, amin՚!

Mitte märatoi om Jumalan bohatuz՚, mitte süvä om hänen melevuz՚ da tedo! Miččed el՚gendamatomad oma hänen sudad da tundmatomad hänen ted!

Ken voib tedištada hänen mel՚t, ken voib olda hänen nevojan?

Muga nügüdläižel-ki aigal om kaičenus loppala, kudamban Jumal om valičenu ičeze armoiš. No ku nece valičend om tehtud armoiden pohjal, ka se ei ole tehtud azjoiden pohjal – muite armod ei oliži armoin. A ku valičend om tehtud azjoiden pohjal, ka se jo ei ole tehtud armoiden pohjal – muite azj ei ole jo azj.

Ku erased sadvoipun oksad om katkaitud, da sindai, kudamb oled mecvoipun oks, om kazvatoittud sadvoipun oksiden keskhe, sikš sinä oled tehnus sen pun palaks i sanu sen jurišpäi väged, ka ala kitte toižiden oksiden keskes! A ku kitätoi, ka mušta: ed sinä pidä jur՚t, a jur՚ pidäb sindai.