Popular Bible Verses from Tito 1

Share

Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo.

Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧. Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧.

Iso päi'önä anciano hua̧mä̧ adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧'i̧nä̧ Diosrö ttesetäcua'a̧nö̧. Jahuätömä suronä jȩttö̧ juiyäcua'a̧nö̧. Ja̧'hua̧ta̧nö̧ ttöarodö juiyäcua'a̧nö̧.