Popular Bible Verses from Baroma 11

Share

Bushi ebindu byoshi era mwai yi'byénde byátenga, byoshi bitúla'o kwa buashi bwai, kanji bushi nai, Ongo éndaa átongibwa esuku ne'mango. Bibe bacha!

Ebuare bwa Ongo, ne'kumenya emyasi kwai, ne'bwenge bwai, bìtangamaanyisibwa! Kutali ola ùngaala kumenya kute ku énde áisha emyasi, nesi kumenya enjira sai.

Ebyera bikulikene no'kwa Maanjiko Mabuya-buya matúla màtechire mbu: «Nde iwámenyaa emianyisa ya Enawetu? Nde iwámweresaa eáno?

Anabe mwe'sine suku, ku bináli bacha. Kweshiba banji bandu baeke ba Ongo álondwere kurengera ebonjo bwai. Álondolaa'bo kurengera ebonjo bwai, si atá kurengera bya béndee báira. Akaba bìngabere bacha, obu bonjo bùtangachibere bonjo kanangana.

Elubaa lwe'Baisiraeli lùli nga muchi wa museituni ola wáingwaa, ola bàishire ku ndabi siuma. Nenyu mu mùtatula Bayuta, mùli nga ndabi sa unji muchi wo'mwe'rungu. Ne'ndabi so'yu muchi wo'mwe'rungu, sera kwômakirisibwa ala esinji saìshibwaa kwa muchi we'museituni. Rero, emasisi ma ménde mátenga mwa misi-misi yo'yu museituni, mu ménjire máberesa nenyu emisi. Bushi no'ku, esi ndabi sa sàishibwaa, muténdaa mwákena'si. Mwabo mutéte cha mùngachitongera, bushi atá mu mùachirise echisina che'muchi, si echi chisina chi chibáachirise.