Popular Bible Verses from 2 Bakorindo 4

Share

Tubano tùtabika emianyisa yetu kwa bindu byábiseneke'ko, si kwa bindu bya bìtaseneke'ko. Bushi ebindu bya bìseneke'ko, binátula bya bihangi bieke. Si ebindu bya bìtaseneke'ko byeke, bitúla bye'suku ne'mango.

Bushi no'ku tuténjire twáfunyika emuchima. Chiro angaba mbu emibiri yetu yáenda yákunguwa, si emichima yetu yénjire yáiribwa kuba iyayaya chira lusuku. Emalibuko ma twárenga'mo lwarero, mǎnguire mwa kumalingamanya ne'busito bwa bùtangalingamanyisibwa bwe'bulangare bwe'suku ne'mango, bwa mátukunganyisa.

Ebandu bénjire bátutabalira mu njira sinene, si chiro bacha, tuténjire twáimwa. Kanji bénjire bátulibusa busese, si chiro bacha tuténjire twáesa emunyiiro. Bénjire bátulibusa, si Ongo aténjire áturekerera. Bénjire bátuhuta emiúku, si chiro bacha, baténjire bátwita.

Si tubano tu twète obu buare bwe'muchima mwa ndanda setu, tubwéte nga buare bwa bùli mwa bindu bya bìkunganyisibwe mwe'bumba. Bìri bacha, chasiya ebandu baménye kubuya-buya kwa obu buashi bwa bùtangalingamasibwa, bwátenga era mwa Ongo, si bùtatenganyire netu.

Abu bandu, batéte bwemeresi bushi Wamusimu, i'ongo wo'buno butala, áhukire ebwenge bwabo. Ende ábangika bangesha kulola kwa chilungere che'Mwasi Mubuya-buya we'bulangare bwa Kirisito*. No'yu Kirisito* i'utúsa ehuhi lya Ongo.

Ongo átetaa mbu: «Ebulangare bùlomekaa mwa musimya.» Ongo i'no'yu iwálomekaa mwa michima yetu na kutweresa ebuashi bwe'kumenyerera ebulangare bwai bwa bwénde bwálangala kwa buso bwa Kirisito*.