Popular Bible Verses from Taetusi 3

Share

Ba tonai sa bola votu sa na jongana beto na vairoqu jongana tana Tamasa na oda inaalo poni sa sa alogita na Tamasa sa gita. Ba nake roiti tuvisidi taqe roitiniria gita sa taqe taalonia sa gita, goto na vairoqu vaitokai gu tana Tamasa. Ko isa sa alogita tonai taqe tavaliosonia na podo mule beto taqe tavakoregania na Gagala Tabuna. Ko na Gagala Tabuna api sa sa tei vuva tari vapugelenigita tu na Tamasa tonai taqe vasosotoa gita si Jisu Karisito na oda inaalo. Ko tonai sa vatuvisigita na vairoqu vaialona tana, poni sa taqe somana isongia gita sa na toa jola isa taqe korapa gegele kukulinia.

Muke koroto varoroquniria sira na tinoni ko mai vainongoro vaiketai lao tadira na babangara beto na tinoni vaitoni, mai vataberia, mai turu qaqiriniria sira doru roiti jongadi, maike poja vivikere tinoni, maike tinoni vainonomi, goto mai tinoni vajongana lao tana goto tinoni, beto mai roiti vajonga lao tadira doru tinoni.

Goto ao sa mu turu peleniria sira na toa vevei na vavaipera paranga duduvilidi, na tututidi ira na oda tite, na toa vaipiarai, beto na vavaiguania na Vavanau, ura na toa aipira sa qaike vaitokai beto kepore veveidi.

Na tinoni sa vavaipiarai sa mu paranga vabalaua na totoso momoe beto na totoso vinarua. Pa liguna isa sa muke galania.