Popular Bible Verses from Joshua 6

Share

Ndienu Bambu Sapanga apwagila Joshua, “Lingaliya! Nepani nagubeka musi gwa Yeliku pamu na bambu nkolongu wa musi hogu na akaalonda baki babii na makili mu maboku gaku.

Pabiipula imbata heyi kwa sauti ngolongu ngani na emwijogwana pe kekelele heyi, bandu boti biijamalia nakanopi nu lumatu lwa musi lwiabuka pai. Ndienu bandu baku bagukamula musi hogu kila mundu pandu pajujemiki.”

Gweapa na akomana ngondu baabi na hindu yukukomane mwaboti mwiyonguluta mala jimu kila lisoba nhenga hela kwa masoba sita.

Wibia na akagolu saba kila jumu jutotula imbata jaki ji linyelu li likondoo likambaku, biilongulia palongi Lisanduku li Lilaganu. Mulisoba la saba mwiiyongulata musi hogu mala saba koni akagolu ajemba imbata yabu.

Matanga gu kujingali musi gwa Yeliku babia bagajigi ili Aizalaeli biijingi. Nga mundu jojwawesa kujingi wala kupita kunza ja musi gwe hogu.

Pabayonguluta mala ja saba, agolu ebabiya ajembiki imbata, Joshua jwaalagalakia bandu kupwaga, “Nzamaliya ndaba Bambu Sapanga ampeki nndema ago!

Musi ago pamu na kila sindu sekibii momu yiikomika ndaba biibekiki palongi jaka Bambu Sapanga kuba litambiku. Lakini Lahabu mmbomba nngoni jola, ndi jotwandeka pamu na boti bajubii nabu mu nyumba jaki ndaba jwahia bandu bitu ba ahikiki kulaluki majambu mu nndema goni.