Popular Bible Verses from Joshua 1

Share

Kombuka nepani nugulagalaki gubia nganganganga na gubia na moju gukuwesa. Gwijogopa wala kusoka ndaba nepani Bambu Sapanga, Sapanga waku, mi pamu nawepa pokapi pagujenda.”

Gulingalakia ngamaa wakijewa kitabu senze sa malagalaki ila kila lisoba ulibola kitabu senze mui ni ikilu ili guwesa kuhenga goti gahandiki momu, nawe gwiipata kila segupala nukuneng'ane pokapi pa gwijenda.

Ila gujemakia nganganganga na gukuba na mwoju gukuwesa gulingalakia nu kuhenga malagalaki goti gajugulagakia ntumisi wa Musa. Wiikotoka kuhenga kila lilagalaki nawe wiwesa kupata segupala kila pandu pawijenda.

Ngajwiikubi mundu jojwaguwesa masoba goti ga womi waku. Niikuba pamu na wehapa ngati enabi na Musa. Masoba goti niikuba na wehapa wala nganaguleki hata kulenga nabwaka.

Gubiya nganganganga na gubiya na moju gukuwesa ndaba wehapa walongusa bandu aba kujenda kujuku nndema gonaalagi aseja babu kubanga niitenda kwaapeke.

Kila pandu pamwakakanyata numpeki mwanganya ngati enunndagalakia Musa.

“Musa ntumisi wangu jukuwiki, henu wehapa pamu na Aizilaeli boti nndobuka losi lwa Yoludani nzenda mbaka ku nndema gonumpeke.

Pajakuwa Musa ntumisi waka Bambu Sapanga, Bambu Sapanga ampwagila Joshua mwana waka Nuni jojabii anzangati Musa

Mipaka ju nndema jiibia ana, upandi u kusini mwiipakana nu lukoba nu upandi uku kazikazini wiipakana ni itombi ya Lebanoni. Upandi golipiti lyoba mwiipakana na losi lobulukema Efulati nu ndema gwoti gwa bandu babakema Ahiti mbaka kunhanga nkolongu uku Meditelenia upandi golijingii lyoba.

Mundu jokapi jojwisinda kupwata malagalaki gaku au kukana kujowane malobi gaku au lijambu lokapi leunndagalaki, jwiitenda kukomeka. Lakini weapa, gubia nganganganga na mwoju gukuwesa.”

kujenda mu makambi nakwaapwagi bandu, “Nhandia posu, ndaba egiipeta masoba matatu mwilobuka losi lwa Yoludani, kujenda kutama ndema gogugwe Bambu Sapanga, Sapanga winu ampeki kuba mali gino.”