Popular Bible Verses from 2 पतरस 2

Share

यूं करती प्रभु भग़ता नु परीक्षा महु काढ़ती गेहणे ते अधर्मीया नु न्यां चे ङिओ तक ङण्ड ची हालती मां राखणे जाणे।

कांकि धर्म चे मार्ग़ ना जाणने ही वांचे वास्ते ऐचे कनु भले हुवीया कि ओनु जाणती कर वे पवित्र आज्ञा कनु फिरती जईया जको वानु ङिली गेलती, ओनु जाणती कर मुँह फेरती गिही। वांचे लारे तां यूंही घटले जिंवे कि वा सच्‍चीया कहाणीया मां केहले गेले, “कुत्ता जिठे उल्टी करे ओ आपणी उल्टी सनु पुठा चाह्‍ला जाये।” ते, “हेक झूलाली आली सुअरी वी चिकड़ा मां लेट मारणे चे वास्ते बल्ति पुठी चाह्‍ली जाये।”

वे वानु आजाद करने चा वायदा तां करी पर आप ही सड़ाहट चे गुलाम छी, कांकि जको बन्दे जाकनु हारती गेले, ऊं ओचे गुलाम बणती जाये।

जब वे प्रभु ते उद्धारकर्ता ईशु मसीह ची पिछाण चे जरिये संसारा ची कई तरह ची अशोद्धता कनु बचती निकलो, ते बल्ति वांचे मां फसती कर हारती गेले, तां वांची दशा पेहली कनु वी बुरी हुती गेली छै।

जिंवे करती वां लौका मां कूड़े भविष्यवक्‍ता हुते यूं करती तम्चे मां वी कूड़े गुरु हुवे, जको नाश करने आले पखण्ड ची लुकती लुकती शुरुआत करे ते ओ स्वामी जेह्णे वानु मोल गेहले ओचा इन्कार करे ते आपणे आप नु जल्दी विनाश मां नाखे।