Popular Bible Verses from Malɨkɔ 12

Share

Yeso ɔ꞉mutosio ɓɔ: «Amati ɔ mapanʉ maɓomu, ʉwa wɔ pɛɨ wa ɓɔ: ‹Ʉwɛ, Ɨsalaɛlɛ ʉka iɗo, Asɔɓɨɨ Makwɔɓɨɨ ngɨyeso, ɨyɔ nangana, a Makwɔɓɨɨ. Kʉɓanɨ, wa꞊kʉnda Asɔɓɨɨ, Makwɔɓɨɨ ngɨasɔɔ nɔ ipumo yɔ mʉtɨma ngɨyɛsɔɔ iɓomu, nɔ mʉtɨma ngʉwɔsɔɔ uɓomu, nɔ nɨmbɨmbɨanaka ngɨyɛsɔɔ iɓomu, nɔ angu ngɨasɔɔ ku muɓomu.› Ʉpanʉ ngʉwɔ ɓepini wa ɓɔ: ‹Kʉnda mangɛ kʉndʉ wakʉndana ʉwɛ makwɔngɔ.› Ʉpanʉ ngawɔmɔ wɔta ʉja achana mapanʉ ngʉkɔnanɨ, wangɔmʉ.»

Ɨyɛ Yeso e꞉soko ɓakpata ngʉɓangɔ, ɔ꞉ɓusigio ɓɔ: «Ta ingono, nanenu asigio ɓɔ, ajanga woko ngɨakɛ, e꞉njo ɓagyɛgyɛ ɓaja nɔgbɛ akɔchana ɓombi ɓaɓomu ngʉɓa ɓɔ꞉mayɔ ɨkyɛmʉ aikpoko aka. Dɔ, ɓombi ngʉɓa ɓɔmɔ, ɓe꞉njo ta ɓagyɛgyɛ ngʉɓa ɓangɔkɨa suo naɓɔ nɔ ɨjangɨa. Yakamɛngana, ɨyɔ, amati ɔ angɨɔ ngɨangɔ, e꞉njo ɓagyɛgyɛ ɓaɓomu ngʉɓa ɔ꞉ɓio naɓɔ akɔ uɓei ngʉwangɔ.»

Kʉdɔ, Yeso ɔ꞉tɔwolo ta tinene nɔ ikpoko ngɨyɛ ɓombi ɓa꞉ɓio-ɛɛ amayaka apɛpɛ. Ɛ꞉na aka ɓa꞉ɓio-ɔɔ aninjo. Ɓombi ɓɔ lɨkyɛmʉ ɓaja ɓe꞉njo ɓagyɛgyɛ kʉ ɓaja. Ɔ꞉tɛna tɨa kʉ nɔ ajanga woko, ɨya, a꞉maya ɓana ɓɔ ɓagyɛgyɛ ɓapɨnɨ, ʉɓa, ɓɔta bele bele.

Nɔ, yɔkwananɔ mombi akʉnda Asɔɓɨɨ, nɔ ipumo yɔ mʉtɨma ngɨangɔ iɓomu, nɔ itungwiyo ngɨangɔ iɓomu, nɔ angu ngɨangɔ muɓomu. Nɔ, yɔkwananɔ kʉ kʉnda mangɛ kʉndʉ ʉwɛ, makwɔngɔ.› Yaka ngɨyɛnɛnɨ, yanɔ dada nɔgbɛ akɔchana ninjo ɓapɛpɛ nɔ migbo yɔ mitebii iɓomu.»

Ga Yeso ɓata naɓɔ ɓɔ: «Ɛɛ, lɨkyɛmʉ ngɨlɔ ngama ata mʉja ngɨyɔ Ɓalɔma, minjeni kʉ ngama ata mʉja ngɨyɔ Ɓalɔma, nɔ lɨkyɛmʉ ngɨlɔ Asɔɓɨɨ, nɔ́minjo kʉ Asɔɓɨɨ.» Yaka ngɨyɛnɛnɨ Yeso a꞉ɓutosio, yɔ꞉mbangɨa ɓague ngʉɓɔnanɨ ta mbangɨa.