Popular Bible Verses from Tiitos 3

Share

Ni Gargeereena kin Yallih mecaani kee kaxani yumbulluwe gedda laakin, nanu abne ciyyo xaqqe tekkeh akkekkah, ishi raxmah tamaa malammit ubka xiyaah taxaye cakalso kee Quddus kin Ufayeh yuscussubeh ni gargeere. Usuk ni Gargeereena kin Yeesus Masiix araxah ta Quddus kin Ufaye yeymengeh nolle xarhe. Amayim lel, kaa nicmah nitxiqqiqheyaako, tamaa umman geedit aniinahi cagti araxah worosa nakko ciloh kinni.

Tamaa xiyaw lel sinni reezon kee mas-uuliinih yam-azzazoona, akko yarhxiinim yaabbe mara yakkoona, umman mece abittoh yanqarraboona, walaa inkettaalih uma waani akah waanishe wayaanaakah, anzeegexinnixe mara yakkoona, xiyaawinna yaalloona, umman marah lel macruufko yemmeege mara yakkoona ten xunsus.

Atu laakin duudiinot sitta-waa, waalido, zagaxa, sercat zacabah yakke ankaaxad amficinnixem kee macna hinam kinamhi sabbatah mirix akko erhex.

Xiyaw fanadde barhsa baaha xiyawto yekkemko, inki gedda kee lamma gedda kaa asussek sarrah, kab adde marhxin.