Popular Bible Verses from 2. Mose 32

Share

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova. Sik djan le ko dromestar tele, kay me sikrom lende. Yon kran penge i devel, – i terno gouroum, – oun mangan les an, maran firhen leske oun penan: Kava hi tiro Devel, Israel, kova, kay anas tout dran o them Egiptia vin.”

Har dikas kova o Aron, kras yob i rhačepaskri glan ko gouroum, te rhačrenn le firhen leske koy pre, oun moukas vi-gole te dell: “Taysar hi i baro dives, kay sharah o baro Debles!” Oun yon stan taysarlakro pre oun maran firhen, oun rhačran len ko debleske, hoy kran le penge. Ninna vavar firhen anan le pashel, te rhan le len khetne. Oun yon beshan pen, te rhan le oun te piyenn le. Oun yon stan pre oun khelan.

O vavar dives rakras o Mose ap i Israelitarya: “T'mer anan bari doosh oun ladj ap t'mende. Kanna kamau pale pash o baro Debleste ap i berga te djal, te mangap lestar, te bistrell lo t'mari doosh.”