Popular Bible Verses from 1. Timoteo 3

Share

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

Yob hi i lačo ray pral peskro kheer. Leskre čave shounenn ap leste.

I morsh, kay boudrella i patslenge an o Debleskro kheer, les vell gar boudeder har yek romni. Yob hounte vell i lačo dad peskre čavenge, oun i lačo ray pral peskro kheer. Kol boudepangre, kay pengri boudi mishto krenna, kolla venn an-diklo pash i patslende, oun pash o Debleste. Oun len hi kek daar, te rakrenn le pral pengro patsepen ap o Yezous Kristeste.