Popular Bible Verses from EZEKIEL 34

Share

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

Hau: zigi yang zung" su: gi so" lam" sain" lo" da" nya: yang joem ri yu" coung: wigi dage" doem zheing" yu yhang: ti" nghoid wa. Hau: moug: coid wigi byo, yoin da" bidnyid mo ngoo gi nyangnu" ri nyangnu" nyid sain" lo" da" joyoo dangain" mo doem shu" tau" yu wa.

«Ngoo yoem: moo" bo ASEING nanu" ri tid zigi ngoo gi nga" yang joem ri ngoo nyang: cang sho: lho: nyangnu" ri coung: byid: wa.

Ngoo gi: nga" yang joem da" yang zung" su: nghoid. Houg: yoomo ngoo gi nyangnu" shid re" theing: noo: wa joyoo daloem: shoo: byid: wa. Ngoo yoem: moo" bo ASEING tid too" bye:.

«Ngoo khu: myhu: nyid da" nga" gougnyhoug kyung- nga" yang joem nanu" gi nga" byumyu" nghoid lho: ngoo gi nanu" Mangsoo nghoid. Yoem: moo" bo ASEING tid bye:.

Nyang: tid zigi «Shid: se' da" byu we"- Israela da" vhoebkhang" zoug: yiri tid phue: pyam we'. Nyangnu" ri lapi: pe: byid: wigi ngoo yoem: moo" bo ASEING nyangnu" ri tid nyid khyoo: ri tid kyoo" we'. Israela yang zung" bang: nanu" gi joem: lo" abye: go". Nanu" gi nanu" nya: gung ri yu" goin coung: lho: yang joem ri khanham we' azung" nghoid da:.