Popular Bible Verses from Mateu 24

Share

Sh-macã va s-multseacã anapudziljea, a multsãlor va lã arãtseascã vrearea. Ma atsel tsi va aravdã pãnã tu soni, atsel va s-ascapã.

Sh-evanghelu aestu a amirãriljei va hibã predicat pri tutã lumea, ca unã mãrtirii la tuti natsiunili sh-atumtsea va hibã bitisita.”

Atumtsea va avdzãts di alumti sh-di hãbãri trã alumti. Afirits-vã, sh-nu vã aspãrats, cã aesti tuti prindi si s-facã, ma bitisita ninga nu va aibã vinitã.

Va si scoalã natsiunea contra a natsiuniljei, amirãriljea contra a amirãriljie, va aibã urfanji di pãni, sh-cutremburi tu multi locuri. Ma tuti aesti lucri va hibã apãrnjita a durerilor a amintariljei.

Tserlu shi loclu va treacã, ma zboarili a meali nu va treacã.”

Cã multsã va yinã tu numa a mea, sh-va dzãcã: ‘Mini escu Hristolu,’ sh-va s-arãdã multsã oaminji.

Atumtsea va vã prida tu munduiri sh-va vã vatãma, sh-di tuti natsiunili va vã aurascã trã itia a numãljei a mea. Atumtsea multsã va s-dipãrteadzã di pisti, va vindã un-alantu, sh-va aurasca un-alantu. Va easã multsã prufits arãdioshi, sh-va arãdã multsã oaminji.

Sh-Isusul apãndisi: “Afirits-vã s-nu vã arãdã vãrã!

Trã aestã voi s-hits etimãsits, cã Hiljiu a omlui va yinã tu atsea oarã cãndu voi nu lu ashtiptats.”

Stats dishtiptat, cã nu shtits tu tsi oarã va yinã Domnul a vostru.

“Iarã di dzua atsea sh-di oara atsea vãrã nu shtii, nitsi anghilji dit tser, nitsi Hilljilu, ma singur Tatãl.

Cã va easã hristoshi arãdioshi sh-prufits arãdioshi, sh-va facã seamni mãri, sh-ahãnti ciudii cãt, ma s-putea s-arãdã sh-aleptsãlji.

Shi ashã cum tu dzãlili al Noe, ashã va hibã sh-la vinita a Hiljiu a omlui. Cã ashã cum tu dzãlili atseali di cama nãinti a nicariljei, oaminjili mãca sh-bea, si-nsura shi s-mãrta, pãnã cãndu Noeul intrã tu varcã. Elji nu aduchirã tsiva, pãnã cãndu vini nicarea sh-lji lo tuts. Ashã va hibã sh-tu vinita a Hiljiui a omlui.