Popular Bible Verses from Ai Vola I Sikariya Na Parofita 4

Share

A sa vosa ko koya ka kaya vei au, ka vaka, Sa vakaoqo na vosa i Jiova vei Sirupapeli, ka vaka, Sa sega e na qaqa, se na kaukauwa, e na Yaloqu ga, sa kaya ko Jiova ni lewe vuqa.

Ia ko cei ka beca na siga ni ka lalai? ni ra na reki, ni ra raica na vatu i vakarau e na liga i Sirupapeli ko ira na mata e vitu o qori i Jiova, era veiciciyaki tu e vuravura kecega.

A liga i Sirupapeli sa tauyavutaka na vale o qo; a ligana talega ena vakaotia: ia dou na kila ni sai Jiova ni lewe vuqa sa talai au mai vei kemudou.