Popular Bible Verses from Ai Vola Vakaibalebale 15

Share

A VOSA malumalumu sa saumaka tani na cudru: ia na vosa vakararawa sa vakatubura na cudru.

A rerevaki Jiova na vuli vuku; a sa muri na vakarokorokotaki ka liu na yalomalumalumu.

Sa kau ni bula na yame dauveivaka-bulai: ia ni sa tu kina na ka vakatani, sa mavoa kina na yalo.

Ni sa sega na bose, sa tawa yaco na ka e nanumi: ia ni ra sa lewe vuqa na daubose, sa vakataudeitaki.

Ni sa marau na loma ni tamata, sa vinaka kina na matana: ia ni sa rarawa na lomana, sa ramusu kina na yalona.

E na yasana kece ka sa tiko ga na mata i Jiova, ka sa raici ira tiko na ca kei na vinaka.

Sa vinaka na ka lailai sa tu vata kei na rerevaki Jiova, ka ca nai yau levu sa tu vata kei na rarawa.

A tamata daucudru sa dauvakatu-bura na veileti: ia ko koya sa cudru malua sa ia me cegu na veileti.

A lomana na yalododonu sa daunanuma na ka me kaya: ia mai na gusudra na tamata ca sa tavure tu na ka ca.