Popular Bible Verses from Ai Vola Vakaibalebale 13

Share

O koya sa malele vata kei ira na vuku ena vuku: ia ko koya era veitokani kei na lialia ena rusa.

O koya sa qarauna na gusuna sa qarauna na nona bula: ena kena ga na rusa e sa dalaga sara na tebenigusuna.

O koya sa maroroya na kuita sa cata na luvena: ia ko koya sa lomani koya sa vakanakuitataka ni sa gone.

A vakanananu ki na ka sa bera e daumate kina na yaloda: ia sa kau ni bula ni sa lako mai na ka e domoni.

A nona caka dodonu nai valavala dodonu sa maroroi koya: kei na nona caka ca nai valavala ca sa vukici koya.

Ai yau ni sa biu wale ena vakalailaitaki: ia ko koya sa kumuna e na dautara ka ena vakalevutaki.

A yaloviavialevu ga e sa tubu kina na veileti: a sa nodra ga na daubose na vuku.

A tamata vinaka e tataunaka na ka me ra taukena na luve ni luvena: a sa maninitaki me nona na yalododonu nai yau ni tamatai valavala ca.

A GONE vuku sa rogoca nai vakavuvuli i tamana: ia ko koya na dauveivakalialiai sa sega ni rogoca ni sa vunauci.

A dausiga kei na madua ena nona e sa bese ni vakavulici: ia ko koya sa vakabauta na vunau ena vakarokorokotaki.