Popular Bible Verses from Ai Vola Vakaibalebale 11

Share

A lomadausoli ena uro mai: ia ko koya sa vagunuva ena vagunuvi talega ko koya.

Sa dua e sa duibiubiuta, a sa tubu ga me levu; sa dua talega e sa maninitaka na ka ni sa tawa dodonu, a sa tubu ga na dravudravua.

Ni sa tubu mai na viavialevu, sa tubu talega kei na madua: ia sa vei ira na yalomalumalumu na vuku.

Ni sa sega na bose vuku, ena ca na tamata: ia ka sa bula ga ni sa lewe vuqa na daubose.

A ka e sa vuataka ko koya na yalododonu sa kau ni bula, o koya talega sa rawa na yalo sa vuku.

O koya sa lako voli ka daukakase sa tukuna tiko na ka e tabu: ia ko koya sa yalodina e dau vunia na ka.

A tamata yalololoma sa caka vinaka ki na yalona vakai koya: ia ka sa vakararawataka na yagona dina ko koya na lomaqa.

O koya sa vakararavi e na nonai yau ena bale: ia na yalododonu era na bulabula me vaka na taba ni kau.

Sa sega ni yaga nai yau e na siga ni cudru: ia nai valavala dodonu na ka e sa vakabulai kina mai na mate.

A nodra lomadina na yalododonu ena tuberi ira: ia na nodra yaloveve na talaidredre ena vakarusai ira.

Me vaka na mama koula e na ucu ni vuaka, sa vakakina na alewa matavinaka ka sa tawa yalomatua.

AI vakarau lasu na ka vakasisila vei Jiova: ia nai vakabibi dodonu na ka e vinakata.