Popular Bible Verses from 1 तिमुथियुस 1

Share

जि बात सही है और सब तरैह ते भरोसे योग्‍य है कै ईसू मसीह पापिन कौ उद्धार करवे काजै जा संसार में आयौ, बिनमें ते सबते बड़ौ पापी मैं हूं।

पर मोपै जामारैं दया भई कै मैं जो सबनते बड़ौ पापी ऊं, मोपै ईसू मसीह ने पूरी सहन सीलता दिखाई है, और जो लोग ईसू मसीह में कबऊ नांय खतम हैबे बारे जीबन के काजै भरोसौ करिंगे बिनके काजै मैं नमूना बनूं।

मेरे सिखाबे कौ मतलब तौ जि है कै सब भरोसे करवे बारे पिरेम ते भर जामें, जो भले मन और अच्छी आतमा और कपट रहित भरोसे ते पैदा हैमें।

और अब सदा काल के राजा, अनदेखे, अमर और बा एकमात्र परमेस्‍वर कौ आदर और बड़ाई युग-युग तक होती रैहबै। ऐसौई होबे।

जि जानकै कै व्‍यबस्था धरमी आदमी के काजै नांय पर बिन आदमिन के काजै है जो धरम कूं नांय मानें, कोई की बातन नें नांय मानें, परमेस्‍वर कूं नांय मानें, पाप करें, अपबित्र आदमी हैं, और मईया बापन कूं मारबे बारे हत्‍यारे हैं। और कुकर्मी हैं, आदमी-आदमी के संग सम्बन्ध बनाबे बारे हैं और बे आदमी बेचबे बारे, झूंठ बोलवे बारे, झूंठी सौगन्ध खायवे बारे और जाके अलाबा खरी सिछा के सब बिरोधिन कूं ठहराई गई है।