धा को़न्क्षोकला शीजे हुङास्योक। धेनी येशु मास्यीकागी कोरला, ङी स्येगीन ताम्शाङगी थोक्ने धाङ धी़ थोक्माने सारी श्याकश्या, साङवा ॱङो़न्गीनगी थोक्ने, खोङबागी खेक्याला स्युक्क्षे जे थुक्वालाक। हीना ॱङो़नस्येखेनक्याई एम्मा ॱङोई सुरी, ढीक्टा धाङ थामेपे को़न्क्षोकगी कागी थोक्ने, साङवा दे याहुदापा मेन्गीन घीरीला ॱङो़न हो़तालाक। दे नी घीरीगी धेपा झ्येरी, खोङबागी काला चीलास्योक ॱनेरी लाक। कुन खेन्गीन को़न्क्षोक च्यीक्पोला, येशु मास्यीकागी थोक्ने ग्युने ग्युन्दु शीजे हुङवास्योक। आमेन।