Popular Bible Verses from Vafiripi 2

Share

Musikayiti chiro ngo hasha, nokuti ngo kujitundhumaja, asi ngo kupfava kwo mupinimijo, umwe ngaumwe ngaaverenge kuti vamweni vanomupinda ngo kunaka. Umwe ngaumwe ngaarege kuringira zviro zvake, asi ngaaringire zvo vamweni.

Uwu mupinimijo ngauve mukati mwenyu uwo wayiva mukati mwa Kristu Jesu

Iye wayiva mumuemo wa Mwari, aazivi kupinimija kuti chiri chiro cho kukara kuezana na Mwari, asi wakajiita usina mbiri, echijitorera muemo wo muranda, wakayita unomuemo wo mundhu; naapo uno muemo wo mundhu, wakajipfavisa, wakayita unopurutana mbhera kufa, eya no kufa kwo pa muchinjiko.

Ngokuti ndiye Mwari unoshanda mukati mwenyu, zvese kuda no kuyita, kudari ngokuda kwake.

Ndizvo Mwari wakamukuja kukurutu, akamupa zina riri panyezuru po mazina ese; kuti ngo zina ra Jesu makokobvi ese amugwadamire, ovari mu gore, no vari mu nyika, no vari pasi po nyika; zve, kuti ndimi jese jitende kuti Jesu Kristu ndiye Mambo, kuti Mwari Baba akujwe.

Itanyi zvese pasina kun'un'uta nokuti kuyita hasha; kuti muite vasina ndava, vasikashaishi, muri vana va Mwari musina chomunoitihwa ndava ndicho pakati po mubarihwana wakashongoroka no vakapaukiswa, pakati pavo muvoneke muri vanojeka kudari ngo zvivheneko mu nyika

Ndizvo vanodikana vangu, kudari ngo zvomwakapurutana ngo nguva jese andipopi pega pondiri, asi zvino kakurutu apo ndisipo, shandisanyi ruponeso rwenyu mukutya no kuhuta.