Popular Bible Verses from Vakorose 3

Share

mwechisengerera umwe no umweni, mwechiregererana, kuti aripo mundhu une ndava kuno umweni, nokudari ngo zvaakamuregerera Mambo imwimwi, itanyi kudaro nemwivo.

Emesanyi mupinimijo ngo izvo zviri panyezuru, musikapinimiji ngo izvo zviri munyika.

Pikija chinyi chomunoyita, shandanyi ngo mwoyo, kunonga munoshandira kuna Mambo, haiwa vandhu

Ndizvo simiranyi, kudari ngo zvomuri vakatsananguhwa ndi Mwari, no vakacheneswa no vanodikana, muno mwoyo wo kuzwira, no kukungurira, no kuzvininipisa, no kupfava, no kusengerera

Izwi ra Kristu ngarigare mukati mwenyu ngo kuwanjiswa muungwaru hwese; mwechijijisana no kupangana umwe no umweni, ngo nduyo, no ngoma, no kuemba kwo Mweya, mwechiemba mune nyasha mumwoyo yenyu kuna Mwari. Pikija chinyi cho munoyita ngo izwi nokuti ngo mushando, itanyi zvese ngo zina ra Mambo Jesu, mwechibonga kuna Mwari Baba ndiye.

Kupinda izvi zvese simiranyi rudo, ruri chisungo cho kuperera.

Ndizvo kudari mwakamuswa mukufa pamwepo na Kristu pshakanyi izvo zviri panyezuru, apo pana Kristu akagara ngo kumuho kwa Mwari.

Tenderanyi kuti kunyarara kwa Kristu kutonge mu mwoyo yenyu; ukwo kwo mwakadanijihwazve ndiko mumuviri umwe; mwechibonga.

Ndizvo urayanyi zviemuriro zvenyu zvo nyika: Kuomba, kusikasukiki, kuemura kwo muviri, kudisisa zvakashata no kuemura pfuma, ukwo kuri kudira miezaniso.

Ngokuti imwimwi mwakafa, no kurarama kwenyu kwakafishwa pamwepo na Kristu kuna Mwari.

Asi zvino rashanyivo zvese izvi; kutseneka, ushungu, kuvenga, kutuka, no kuvereketa zvinopsheruja ngo miromo yenyu.

Musanyeperana, kwechivoneka kuti mwakarasha mundhu wokare no zviito zvake, nemwi mwakasimira mundhu mupsha uwo unotsandujwa mukuziva kuti aezane no mutojaniso wo uwo wakamusika.

Varume, idanyi vakaji venyu, musaita ushungu kwavari.

Vana, purutananyi vabari venyu, ngo zviro zvese, ngokuti ichi chinodakaja Mambo.

Vakaji, pfaviranyi kuvarume venyu, kudari ngo zvinosisira vari kuna Mambo.