Popular Bible Verses from Zaburi Sya Daud 143

Share

Uniyigise nikite umu ulondela, ndawa wenga Mlungu wangu: Roho yako yabwino; ukanipelekese pa nndima wa kugoloka.

Uniyufwanise lukolo lwako lukela, ndawa pa wenga nihuwalili: Unimanyise ndila yila nganigendite, ndawa nikututawusila umi wangu.

Unifuwule pa wakuniwipila wangu, Bambo: Nikimbalila kwako niyuwalile.

Ndawa ya lihina lyako, Bambo, unilamise: Na pa kukita malinga kwako wusa roho yangu pa kufinyika.

Uliyufwanile liluwo lyangu, Bambo, ukatege likutu kwa mapembeso gangu: Pa kiyitakiso kyako unihige, pa kukita malinga kwako.

Yumbatika, uniyange, Bambo; yimalika nganila roho yangu: Usinifiha kyene kyako, nisiwanangana na wala waselela kuliwumba.

Nikumbukila magono ga mwandi; nikanila fyakukita fyako fyoha: Nijowa nakape pa fila kya fikite kiwoko kyako.