Popular Bible Verses from GENESIS 32

Share

Omulumentu okwa ti: “Edhina lyoye itali kala we Jakob. Sho wa kondjo naKalunga nonaantu nowa sindana, onkee edhina lyoye oIsrael.”

Omulumentu okwa ti: “Etha ndje, ndi ye, eluwa otali tende.” Jakob okwa yamukula a ti: “Itandi ku etha, manga inoo yambeka ndje.”

Jakob okwa kala konima oye awike. Nena omulumentu okwe ya e ta kondjo naye, sigo eluwa lya tende.

Jakob okwa ti: “Onda tala Kalunga koshipala noshipala, ihe nando ongaaka, omwenyo gwandje ogwa hupithwa.” Ehala ndyoka okwe li luku Penuel.

Omulumentu sho a dhimbulula kutya nani ite mu sindi molugodhi, okwa ngwamuna Jakob monto, oyo noya dhamuka.

Omulumentu okwe mu pula a ti: “Ongoye lye ano?” Oye okwa ti: “Ongame Jakob.”

Jakob okwa ti: “Lombwela ndje edhina lyoye.” Ihe ye okwa yamukula a ti: “Omolwashike wa hala okutseya edhina lyandje?” Nena okwa yambeke Jakob.

Inandi opalela esilohenda lyoye nuudhiginini woye we u ulukile ndje, ngame omuntu gwoye. Onda tokolele Jordan ndi li iikaha yowala, eeno, ondhimbo ayike nda li ndi yi na, ihe nena onda galuka ndi na oongundu mbali.

Sigo onena Aaisraeli ihaa li oothipa dhomonto, oshoka opo pehala mpoka omulumentu a dhengele Jakob.

Jakob okwa galikana a ti: “Kalunga katatekulu Abraham, Kalunga katate Isak, uva ndje! Omuwa, ongoye wa lombwele ndje wa ti: ‘Shuna kevi lyaandjeni nokezimo lyeni, ongame notandi ku ningi nawa.’

Hupitha ndje miikaha yomumwameme Esau, oshoka ongame nda tila kutya ote ke tu homona e te tu hanagula po atuhe, nokuli aakulukadhi naanona.