Popular Bible Verses from Pedrin enzimäine kirjaine 5

Share

Lad՚d՚akkua kai omat zobotat Hänen piäle, gu Häi pidäy teis huolen.

No kaiken hyvyön Jumal on kuččunuh teidy Hristosan Iisusan kauti omah ilmanigäzeh valgieh. Teile jäi tirpua gor՚ua vai kodvaine, sit Häi iče nostau teidy jalloilleh, pidäy pystyi, andau teile vägie da lujan pohjan.

Olgua selgiel piäl da olgua hengis! Teijän viärittäi, pahalaine, kävelöy ymbäri gu ärizii leijon da eččiy, kedä vois syvvä. Vastustakkua händy lujannu uskos. Tiijättöhäi, teijän vellet täs muailmas ollah juuri nengozis goris.

Sendäh heitykkiä Jumalan vägevän käin alle, i Häi omal aijal nostau teidy.

Mugai työ, nuorembat, kuunnelkua uskojien kanzukunnan vahnimii. Kaikin alendakkua iččie toine toizen ies, gu Jumal on ylbielöi vastah, no iččie alendajii vaste Häi on hyvä.