Popular Bible Verses from Kolos 3

Share

Árimuñalool, abe n'aŋ'ariboŋketoor yooŋ kane ake atin t'áwiyo. Naane Anahaan u aboŋketuun i, ariboŋketoor iyu yooŋ.

Ariyinoor iŋ'ite buroon beeemo bu t'etiir kep, abe n'ariwas biyinoor bite buroon beeemo bu t'etaam.

Burok b'ariyino káyemi te bo fe, áriñiŋkaan te bo naane bakan keeemo tu burok káanukiiit bija tu kúŋgowulan ku, bare bija t'Anahaan u.

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen. Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

Abe beehaŋe bu fe beemo fu árimaŋioori. Kámaŋioori ku ifi kíkinineŋ kajokoor ku ni kiyan.

Ariritaneeritan t'eket i ni Kiris. Náami ariŋes buroon bite bu t'etiir, ti Kiris aamo du t'ariikee inde *baatos Atambatun.

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)

Ábuki ariketaket, abe buroŋ boonuun búnuuseenuus ni Kiris t'Atambatun.

Bare hahiye, ariwas bonde fe: kajoku an tu suhol soonuun, ni kayiŋat, ni bánafut. Kílafatinu kuwarut kánuutina tu ñutumuun, ni báhamin yooŋ beefute fe.

Atum'arijuusoor, ábuki aŋkut áriyemi naane hítiyar hu, abe ariwasawas yooŋ manoŋkar moonuun. Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.

Aruun háyine hu, árimaŋi haare hoonuun, abe atum'aŋ'arinuur tu boko.

Aruun biñi bu, árijeŋgin sifaafuun ni síñaayuun tu doon areyi fe; bondu butoofe fu Anahaan u.

Aruun haare hu, árijeŋgin bákayinuun naane bijake i ti bakan kite Anahaan u.