Popular Bible Verses from Kolos 1

Share

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

Ábuki te o t'Atambatun aŋaase fu éewuwan doon fe deeemo t'etiir bufor bu ni t'etaam i: beejukanee bu, ni béejukaariitee bu, ñúwejet ñite sembe su ñeeemo ñu t'etiir, ni bákayi ku, n'eseef i, ni bakate sembe su. Te o t'Atambatun aŋaase fu éewuwan doon fe, abe bija te o.

Akina áyemayemi tu doon fe dúwuwanoorutee, abe dóonodoon fe te o tu dujoke fu.

*Kiris aamo fu búnokoorum beejukanee bite b'Atambatun éejukaariitee u. O aamo fu Añi átiyar u, abe ahaŋahaŋ dóonodoon fe déewuwanee.

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ. Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.