Popular Bible Verses from 1 Tesalonik 5

Share

Kikawuun kutoof ko kireyi fe; ko kireyi fe arilaw Atambatun; doon fe deeyak kabaju, arieno eyeehen. Bo b'ámaŋie fu t'aruun kéehine ku t'afeeneŋ ni Yesu *Kiris.

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho. An eeruwuun u, o káhinu bondu, ábuki doon fe d'asoke aŋ'áhin do.

Áriwasiyoor tu búnukanoor bu; ariŋes ko kireyi fe káhinoor meejake t'etutuun, ni ti bakaaku fe.

Náami ariyaŋgananoor kikaw, abe n'áriwutiyenoor káyilen naane aa arifiy árihin.

Kújakuwe, uni bokondu ti kalawuuun yooŋ bonde: árihamin ayanee biñek bu; ariyaŋganan kikaw kiŋki kañako ni hiñaawu; áriyokunan keebajut ku sembe, abe n'aŋ'árimuñ n'ésuk i ereyi fe.

Atambatun ajifanut úne kaanuku núubin újuk kayiŋat koone, bare kaanuku eebin eeŋaas t'Anahaan ite úne Yesu Kiris eefakan úne.

Múniyo arireyi fe meejaaŋe míkiniuun, kaajiŋgan yooŋ kíkiniuun. Únooto bakan bakate káajiim, man yooŋ bakate t'ébaani.