Popular Bible Verses from 2 कुरिनथियनमन 12

Share

आउर प्रभु मोर से कहलक, “मोर किरपा तोर लगिन काफी अहे, काले कि मोर शक्ति कमजोरी में सिद्ध होवेला।” इ लगिन मोंय ढेइर खुशी से अपन कमजोरीमन उपरे घमंड करमूँ कि मसीह केर शक्ति मोर उपरे छाँई करते रहोक

इकर खातिर मोंय मसीह लगिन कमजोरीमन में आउर निंदामन में, आउर गरीबीमन में, आउर हुड़दंगमन में, आउर संकटमन में, खुश अहों, काले कि जेखन मोंय कमजोर होओना, तखनेहें मोंय मसीह केर शक्ति से बलवान होवोना।

काले कि अगर मोंय घमंड करेक हों चाहमूँ तो मूरख नी बनमूँ, काले कि सच कहमूँ, मगर मोंय एइसन घमंड करेक से खुद के रोकोना, एइसन ना होवोक कि जइसन केऊ मोके देखेला, या मोर से सुनेला उकर से बाइढ़ के मोके समझोक। मोंय परमेश्‍वर केर अदभुत गोइठमन केर चलते जेके उ मोके देखाय हे, घमंड से ना भाइर जामूँ, से लगिन मोर काया में एगो काँटा जोबल जाय हे, मतलब शैतान केर एगो दूत मोके घूँसा मारेक लगिन ताकल अहे, ताकि मोंय फूइल ना जामूँ।