Popular Bible Verses from ROMMI 1

Share

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Kughengu ishi yepüake toi, “Amikuchomi ye aküpülü lono xülu nani,” atsakiviu lo ghi Alhou mikucho ye aküpülü lono huthu eno aküpülü lono kishekha keu pephe piye ani.

Kughengu ayeghiqha lhoke lono Alhouw ithukümla lho, ti ye Paw lhokta küka eno akimthe lhoaye, huye pulhosü keu thimeqo lono mtsümishei ithikuthulu ighivae. Ikehu panongu ye ajeku kiumu kühavae.

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

ti ye panongu no Alhouw kuchou vehu pesü akimki sasü küsükilive, eno Pulhoküsüu, khuu pülhapuju lo sheqhe aküzüpu keno, iyei, tishi pelo, Pa züqhulo pulhoküsü thime mlla eno huthu auve keu lono ke.

Kughengu Alhou kümthami ngo amikuchokumomi khunono pano mikuchokumo lono kuchou qhasüpe acheni keno, kümtsü shou Alhou loghu ikughini ke kungugha lono pephe piyevae.

Hi ghenguno Alhou no panoqo pelo ashilo ghakiqipu shi auve penike ikhiphepe tsüve. Totimiqo no alhoaye lo aphimpi peitha chekeu theli lo alhoaye kumomithe keu sasü küsükilive, titoi kiptimiqo ghi alhoaye lo totimi sasü ashiaji küqha chekeu ye qhive no pitipüza lakhino lakhi ghapiqi kileni keu no chhitoive, kiptimi no kiptimi sasü akukujopu kümla shiuveke lono pütüta jume panongu no aghime ithulu püani. Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Alokütsümie pi pükha ghi panongu ye mbomzümi ilhouve, eno thimoni keu Lhou juküvü theli lo thiveni keu timi, ashi-aghau, momu itikiche lhoxü julho kimihiqou sasü küsükilive.