Popular Bible Verses from Apokalipse 11

Share

Tan hot te sipte ëngel sayn trompët keploost, un laute xtime im himel, am saan: — Ti macht fer ti welt kowerneere keheyert yets tsu Hërkot, woo unser Hër is un tsum Kristus woo eyer aus kesuucht hot. Un Hërkot wërt in ale eewichkheet rechiire!

Ti pakaane sin aarich wuutich wayl xon te momënt khom is fer tayn wuut se tsayche un ti tsayt woo ti toote julkeyert wëre. Ti tsayt is khom fer tayn tiiner, ti profëte, peloone, un tayn kans folek un al tii woo an tich klaawe, soo fiil ti importante soo wii ti keringe. Ti tsayt is khom fer se fernichte tii woo layt umpringe uf te welt.

Ich wërt mayn tswaay tsayer xike, keklayt mit krope xtof un tii wëre Hërkot sayn mensaaj aan saan iwer tausent, tswaay hunert un sechtsich taache.

Awer noo tëne tray un halwe taache is en leewe hauch fon Hërkot khom un is in tëne rin kang, un tii sin uf kextii. Un ale layt woo se kesiin hon, hon en xreklich pang kriit.

Tii hon autoriteet fer te himel tsuu mache tas es net reene tuut iwer ti tsayt woo se Hërkot sayn mensaaj aan saan. Hon aach autoriteet iwer es waser tas es sich in pluut transformeyert. Hon noch autoriteet fer ti eyert wee mache mit aler sorte fon plaake, soo oft wii se wole.

Ti tswaay tsayer sin ti tswaay oliiwe peem un ti tswaay khërtse xtëner woo foer em Hër fon te kans welt xteen. Wën sayn faynte fersuuche tii xlecht pehantle, khomt fayer aus em munt fon tëne tswaay tsayer un tuut se fernichte. Soo, weyer se xlecht pehantle wil, mus umkeprung kewe.