Popular Bible Verses from Htû̌sò̌htò̌ 31

Share

Ǒ kòyò dǒ a ô̌pǒ̤kè̌shuǐ Cǒmara tûjû̌pwa̤ lǒ̤bò sî, bè̌shû̌bè̌sho lô̌khô sîsǎphlǒ, bè̌khubè̌he lô̌khô sǔshi nî̌.

He ta̤htûpwa̤ ô̌ pwǎ dǒ nacǔdekû. Ma̤hǎplǎkè he dǒ he khuwè̤ ma̤jî̌ma̤jû̌ he nutokhlǒ acǔdekû.

Na ta̤mô̤ta̤wô̌ nî̌ adû̌awô̌ pwǐtènu, na bè̌plǒ bǎ kòyò dǒ a ǐsha bè̌dubè̌nǎ̤ nanu. Na tîwî̌tòwòǐ kòyò dǒ a sǎmǒ hèô̌ tûdû dǒ naô̌ nutokhlǒ aya. Na ǐ asî dǒ kòyò pṳ̂̌tôpwa̤ alô̤mô̤̌.

Ǒ Cǒmara tûjû̌pwa̤, he sǎmǒhtò̌ pwǎ na nô̤̌pwǎ. Na mî̌ he Cǒmara hǒ.

Na mî̌ he lǒ̤dû̌, he wî̤̌we̤dû̌ dǒ atònò. Dǒ ta̤bè̌dubè̌nǎ̤ nami̤dû̌ ayanu, sûcû̌ he, nè̌klè̌nè̌klò he.

He bè̌lò̤kè he ta̤htûpwa̤ dǒ nacǔdekû. Ǒ Cǒmara tûjû̌pwa̤, ma̤hǎplǎge mò̌ he, na mî̌ Cǒmaradû̌ dǒ acǒ kû̌ ayô̤̌.

Ǒ kòyò dǒ abè̌dû̌ Cǒmara sî, mô̤nǐ̤ Cǒmara tûjû̌pwa̤. Cǒmara tûjû̌pwa̤ kè̌ǐtakaǐ kòyò dǒ a cǒ kû̌ ayô̤̌. A cî̌htò̌ bò kòyò dǒ a bè̌htò̌lǒ asǎphlǒ.

Ǒ Cǒmara tûjû̌pwa̤, he nǎla̤ǐ na dǒ na gǔ tòdòtakabǐ he. No htûhtò̌ tǎ̤ ta̤shòwò̤̌ dǒ heya tîkî̌ mǎ̤nî̌. Na mî̌ Cǒmara dǒ a ma̤cǒma̤tè̤ pṳ̂̌ tôplǎ akhû̌akhî, ma̤hǎplǎge he.