Popular Bible Verses from Pwa̤nophû̌ toǒ 2

Share

Petru hî̌ asî, “Ma̤pûhǐ Cǒmara bòlû̌kè sî ta̤sǔ toǒnu, yò̤lò̤ge lǒkho sîsò̌ pṳ̂̌꤮ tapwa̤ dě plo lǒkho sîna̤ ta shi dě Ye̤shǔkhrî̌stu ami̤akûnu, sî dè ma̤mò̌hǐnu Cǒmara ǐ sî sû ta Běcǎ sǎcahtǐ pě.

Pwa̤yṳǎphû̌ lǒ̤꤮ bò toǒ phî̌nṳ lǒkho akhîakha dě a glè sû̌ǐ sî̌yahtò̌ kû̌ ana̤ ta pwa̤nophû̌ toǒ, dě asî bǒsû̌khǎkho ta ǎoplǒ nû̌û dě kwisabaplǒ nû̌û.

Asî lǒbebò ta Běcǎ sǎcahtǐ pṳ̂̌꤮ tapwa̤ dě asî hî̌bǎhtò̌bò ta yo̤sǎkhěkhǒ pwǐ Běcǎ sǎcahtǐ nohî̌bǎ asînu toǒ.

Ta̤po̤pè̤tè̤htò̌ sumṳ mǒla̤ dě a po̤ sǒsǒta gili̤pla̤dû̌ dě a hèlò̤nṳ asî hǎnòò̌ ǐ hǐnu tama akû dě a pwe̤la̤bò hǐtama. Htodě asî kè̌shǐ lǒkho mî̌gèplo̤htò̌ sǒsǒta plî̤ toǒ dě a nûpîshîcû̌ bǒměbò asî tapwa̤ hto tapwa̤ alo̤. Asî lǒbebò ta Běcǎ sǎcahtǐ pṳ̂̌꤮ tapwa̤ dě asî hî̌bǎhtò̌bò ta yo̤sǎkhěkhǒ pwǐ Běcǎ sǎcahtǐ nohî̌bǎ asînu toǒ.

Asî cû̌ ǒhtuhî̌bǎplǒ nû̌û dě ta̤lṳhtò̌hokû pṳ̂̌꤮ ti̤ni̤, dě asî sò̌phlǒsho yṳ̂ǎyṳ̂o kè̌khînû̌û ta asî sò̌le̤sò̌lò̤ ǎplǒoplǒnû̌û dě hǐphòdǒkû. Asî htû̌sò̌ǐ Cǒmara dě kòpṳ̂̌꤮ pwa̤ sò̌phlǒ ǒkû̌ asî. Běcǎ bè̌plǒ htò̌dû̌po̤ bǎ asî ta kòyò htě a nî̤bǎ ta̤ma̤lû̌htò̌ge toǒ dě asî pwa̤yṳǎta̤ aprṳ̂aho akû pṳ̂̌꤮ ti̤ni̤.

‘Cǒmara hî̌, htǒomî̌ ta̤htě he nohtûhtò̌ yǎ bǎ mṳni̤ gutṳ̌lò̤ pě toǒnu, he lò̌lò̤ he sǎcahtǐ dě kòyòhǎkhû̌phû̌ lǒ̤꤮ bò toǒ alo̤ pě, sî phû̌mǔphû̌khû toǒ pwe̤ǐlṳnǎ he ta̤wi̤ta̤kè̌ toǒ pě, sî makhûphû̌sǎ toǒ kè̌shǐlṳnǎ pě, dě sî mo̤pwa̤ toǒ hǎmoǒmi̤mòlṳ ta̤ toǒ pě.

Pwa̤yṳǎphû̌ lǒ̤bò toǒnu a ǒhtuǒplǒ nû̌û dě, ta̤htě asî ta ǒ toǒnu, a yṳ̂lò̤ ma̤jè kè̌khînû̌û tapwa̤ ta tapwa̤. Asî shaǎkè a û̌cata̤bî̌ ta a ta̤kî̌ta̤kû̌ toǒ dě a ma̤jè nû̌ûta kòyò htě a lo̤bǎwûlo̤bǎhtanu toǒ.

Dě bǎnuakha pěnu kòyò htě a yi̤kǒhtò̌ dě Běcǎ ǒ tapwa̤pwa̤nu a nî̤bǎtû̌ ta̤ma̤lû̌htò̌ge pě,’ pwa̤po̤ Joělè hî̌ hǐnu.”

Bǎ Běcǎ a ni̤dû̌ni̤mo̤ htě a lǒbe ta ta̤sîrîdû̌sîrîhtû htǒo hèto̤ hǒtò̤ akhanu, lṳmṳ khǐsuwukè pě, ta la lî̤pî̤sǐkè pwǐ sǐnu pě.