Popular Bible Verses from Pwa̤nophû̌ toǒ 1

Share

Pwǎ̤tadě bǎ Běcǎ sǎcahtǐ hèlò̤ dě sîlo̤ pě akhanu, sî lǒbe ta ta̤shû̌ta̤sho pě. Dě sî glè htûhtò̌ bǎ he pwa̤lò̤sasî̌ toǒ dě Ye̤rǔshèlèwî̤kû, ta Yṳ̌da sagala̤, ta Shamarî̌taga htohǒtò̤ a to̤bò hǎkhû̌teběbò pě,” a hî̌hǐnu.

Dě Ye̤shǔ hî̌shǔ asî, “Ta̤akhîakha ta mṳni̤mṳsa toǒ numî̌ a htûhtò̌ bò̌khòtè pěnu, sî lo̤bǎ sî̌ya tò̤. A htûhtò̌tû̌ ta pha a ta̤sîrîshû̌sho pwǎ.

Bǎ a ǎohtuta akhophijaû̌ htǒotoǒ akhanu, a mǎnǎ asî, “Hǎhtò̌cû̌kè lǒkho pûma̤ Ye̤rǔshèlèwî̤kûnu hǒma. Ǒpo̤sělě lǒkho bǎnu to̤htû̌ sî nî̤bǎ sû htě he pwe̤ǐnǎhto sî ta hepha olò̤ dě a bǎ ǐ sî pěnu nî̌꤮.” Htohǒtò̤ a hî̌po̤ asî, “Jowǎ̤ni̤ plo bǎ kò ta shi, pò̤̌ta yî̤hǒtò̤ pěnu kò plo bǎ sî ta Běcǎ sǎcahtǐ pě.”

A khòsihto ana̤ dě a htûpwa̤gesǒ, htodě nǒkò ani̤ li̤shi akûnu, a dǔlṳplṳ̂ ana̤ ta akhophijaû̌ toǒ, ta a dǒhtû̌ǐ asî Cǒmara ashiaga awi̤akè̌. Akhophijaû̌ toǒ kè̌shǐ a dě asò̌phlǒ sǔǔsewe̤ lǒkhope tò̤. Asî yṳǎ sapwa̤sali̤ ta a htûpwa̤ mè̤mè̤̌.

Ye̤shǔ hî̌bǎ htodě bǎ akhophijaû̌ toǒ ò̌tò̤mò̤kè̌ yǎ akhanu, Cǒmara kaǎ kihtò̌kè nû̌û ta poǒlṳ dě mǒkhû̌, dě asî kè̌shǐpe nû̌û tò̤.

Bǎ asî ò̌tò̤mò̤htò̌ shope̤pe dě mǒla̤ akhanu, kòyòsò̌gini̤ sǒǐ hǐdopo̤to̤bû dě hèǒihtǒ lṳhtò̌sumṳsòtò̤ asî kòshî̌. Dě a hî̌ asî, “Galilî̌aphû̌ toǒ, sî cû̌ ihtǒ ò̌tò̤mò̤htò̌ lǒkho cǎdě mǒla̤ bǎo ma̤tè? Ye̤shǔ htě sî kè̌shǐ Cǒmara kaǎge kihtò̌kè yǎ dě mǒkhû̌ htǒotapwa̤nu a hèlò̤ gesǒ pwǐ sî kè̌shǐ a gekihtò̌ khònò̤htǒonu pě.”