Popular Bible Verses from Golotia 6

Share

Sabap diri do ada tokouno kababasai di gaagaya do aandai. Nong au lumuvau i ginavo tokou do aparsaya, nga orikot nopo dino iri maso do kapangamatan tokou dino di tuva do aandai mantad di karaja tokou di aandai.

Jadi nong irad dino, kayono mangandai kasaangkat di tulun, om makin nogi mangandai di kosusuladan tokou di aparsaya di Koristus.

Poiuup-uup kouno do monulung di tulun diri nosuat do kosusaan tagajo, sabap irad kouno dino maja diri nisuu di Koristus.

Ada kou kapalid, okonko pobojoon do Kinoringan i tulun do moro-toro Disido, sabap irad di tulun momukabun do onuu nopo tonomon disido om irino omotonjo.

Om irad nogi dino i gaagaya do tulun, do isai-isai iri mamaal do araat irad diri mananom do tuva do araat do mangavi-avi di kouvanganjo do araat, om irino kopongomot do kapatajan. Nga isai-isai tulun diri mamaal do aandai irad di mananom di tuva do aandai do maja di kouvangan do Tatod do Kinoringan, om irino kopongomot diri kovijaan di auso koovion iri pataakon di Tatod do Kinoringan.

Oou kosusuladanku, nong kivaro nopo tulun do adapatan do kisala, aandai do ikovu tulun diri nokuasa di Tatod do Kinoringan mongoi mangangat disido gumuli kavagu si di Kinoringan. Nga misti do otuud i gaagaya muju mitangar disido, om jaajagawono, ada sampai osuat kou do ponsubaan do rogon.

Nong kivaro nopo tulun minsoromo daa do agajo isido, ombo iti aui, irino tulun di monoro do kojuvanjo kondiri, kon? Nga apatut marong do sompori-ori momurimon di gaagayajo kondiri. Nong gaagayajo aandai ampa nogi do aandaian isido. Nga ada poirad-irado diri gaagaya do vokon nong aandai ko araat. Do apatut sompori-ori mongurus do tonggunganjo kondiri.