Popular Bible Verses from Golotia 5

Share

Nga gaagaya nopo do tulun kivaro Tatod do Kinoringan om atalangi do au kojuu do vokon, om i ginavo oponu do kasanangan, osondod i ginavo, alanut i ginavo, obinsianan, aandai i ginavo, obintuman do janji, osuribak i ginavo om kokodos. Om nong irad dino gaagaya tokou nga maja tokou di undang-undang do Kinoringan.

Nga itino tangaronku dikovu do misti do mokiporinta kou soumur di Tatod do Kinoringan supaya om au kovi kaavaja diri kouvangan do kojuvan muju diri araat.

Nga nong Tatod nopo do Kinoringan minanaak do kovijaan tokou, om misti tokou soumur maja diri isuu Disido.

Tongotulun nopo diri nasanganuno di Koristus Yisus om napataino diolo iri gaagayajo taraat, irino gaagaya do tulun om kasangkat diri kouvangan do kojuvan di araat om i kouvangan do ginavo do araat.

Do gaagaya nopo do tulun mantad di kouvangan do ginavojo kondiri om atalangi do irad diti: mamaal kalalasu, mikaraja do asaim, monongondu, sumamba di okonko i Kinoringan, kitoilaan, moibobonsi, moiodu-odu, mongimbogu, obingungos, mokiinggojoo do ngaran, moititimbai, rumijang do kivaro karaatan, tumaai, moginovukan, moginakanon di auso gosob om oguupo mantad diri. Kasangkat diri nitaalikku dikovu pogulu, iri nogi itaalikku dikovu maino do tulun nopo do kivaro gaagaya do irad diri nga aui kadapat masu siri Kopomorintaan do Kinoringan.

Oou dikovu i kosusuladanku, pinoidu kouno mantad do maja diri Undang-undang Ugama do Joudi, nga okoniko pinoidu do maja diri kouvangan muju kondiri, nga irino do apatut kou do moiuup-uup sabap do au kojuu di tulun vokon.

Do kouvangan muju nopo diri araat nga kumilavan diri kouvangan di Tatod do Kinoringan, om kouvangan nopo di Tatod do Kinoringan nogi nga kumilavan di kouvangan muju di araat, om mongiduvo diri nga au miandai, supaya aui olumbusan muju maja iri kouvangan muju daa.

Do kasangkat diri ponuuan saralom do Undang-undang Ugama do Joudi nga nountun sumiliu do iso ponudukan do irad diti, “Misti do auko kojuu di tulun vokon irad dino kojuvannu kondiri,” ka.

Ada tokouno misinggagajo, om moiruruol do ginavo om moitaai-taai.

Tokou nopo maino nga okonko irad di turipon do misti maja diri Undang-undang Ugama do Joudi, sabap i Koristus pinapalapas daton! Sabap diri do tatapno siri kinoiduan muju om adano mokiuripon kavagu diri Undang-undang Ugama do Joudi.