Popular Bible Verses from 1 Korintus 5

Share

Nokoponulis oku nogi do pinakaaku sino dikovu do potingkod dikovu supaya ada kou sumompuu di tulun i Koristian koroitan nong mamaal kalalasu. Komoionku nopo i tinulisku di togina nga potingkod oku dikovu do sumompuu diri tulun kingaran do sulod muju saralom di Koristus ka nga mamaal kalalasui, ko tamaa, ko sumamba di okonko i Kinoringan, ko mangaraat do vokon, ko obingovukan ko mananakau. Insan murukpo do mangakan di tulun do irad diti nga au kou obuli. Okoniko i tulun songonuvon diti vonuvo komoionku di mamaal kalalasu, ko i tamaa, ko i mananakau, ko i sumambapo di okonko i Kinoringan, do au tokou kadapat tumimbai mantad diolo nong aui koidu tokou siti vonuvo.

Iduo mujuno i poudor, irino i duso sino dikovu, supaya olidang kovi. Om osiliu kovi do tapung di vagu di auso poudor laid, do mimang irad kouno dino do naparsaya di Koristus. I Koristus nopo nga nosumbali irad di kambing biri-biri do akanonja ontok di Tadau Paska do pangandaman dagai tulun Joudi di pinogiduan diodu-akija mantad si Vonuvo Masir di pogulupo.

Do okonko dogo do boogian do manalasai diolo i labus mantad di poiuuntunan do tulun di aparsaya, nga i Kinoringanno iri manalasai diolo. Nga ikovuno apatut do manalasai di tulun sino poiuuntunan muju tulun di aparsaya. Antangaipo kivaro tangar si Kitab do ka, “Sunsubo mujuno i tulun di mamaal taraat sino dikovu,” ka.