Popular Bible Verses from 1 Corintios 2

Share

Hich te bin ut'il ts'ihbabil: Mayuc sitil yiloj, mayuc chiquinil ya'iyej, mayuc mach'a sna'oj ta yo'tan te bintic chahpambil yu'un Dios te ya ya'be te mach'atic c'ux ta yo'tanic te Diose, xchi.

Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

Pero Dios la ya'botiquix jna'tic ta scuenta te Espíritu, como te Espíritu ya stsahtay spisil, ha nix hich te bin muquen ay yu'un Dios.

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

Ma ba la jc'oponex soc ma ba la jcalbe sc'oblal Cristo ta scuenta sp'ijil-c'op ants-winiquetic soc tsaltamba-c'op, pero ha ta scuenta yaq'uel ta ilel te yu'el te Espíritu, scuenta yu'un ma ha'uc ta scuenta sp'ijil-c'op winiquetic te ipajem te sch'uhunel awo'tanic, ha ta scuenta yu'el te Diose.