Popular Bible Verses from Filipljanenđe 2

Share

Ništa ma ćeren tari sebičnost ni zaki beskorisno slava, nego ani poniznost jekh avere dikhen sar po bare tumendar. Ma dikhen samo tumari korist, nego svako te dikhel hem i korist averengiri.

Razmislinen maškara tumende isto sar hem o Hrist Isus

Ov, kova palo plo obličje inele isto sar o Devel, na zahtevinđa plo pravo te ovel jednako e Devleja, nego odrekninđa pe oto sa. Lelja o obličje e slugasoro hem bijandilo ano manušikano obličje. I kad mothovđa pe sar manuš, ponizinđa korkoro pes hem inele poslušno sa đi ko meriba, čak đi ko meriba ko krsto.

Adalese so, o Develi adava kova ana tumende ćerela te mangen hem te ćeren okova soi pali olesiri volja.

Adalese o Devel vazdinđa le upreder sa hem dinđa le anav savoi upreder sa o anava, te šaj anglo e Isusesoro anav perel svako koč ko nebo, ki phuv, hem tali phuv, hem svako čhib te priznajini dai o Isus Hrist Gospod, ki slava e Devlese e Dadese.

Sa ćeren bizo gunđiba hem raspraviba, te oven bizi mana hem čista, savršena čhave e Devlesere maškari bišukar hem rumime generacija, ani savi svetlinena sar o čerenja ano svemir

Adalese, mle manglalen, sar so uvek injenle poslušna, na samo kad me injumle adathe, nego po više hem akana kad na injum adathe, daraja hem tresibnaja napredujinen ano tumaro spasenje.