Popular Bible Verses from Kološanenđe 2

Share

Adalese, sar so priminđen e Hriste Isuse sar Gospode, ađahar hem živinen ano leste. Oven ano leste zorale ukorenime hem upro leste izgradime, zorjarde ani vera, sar so injen sikavde, hem but zahvalinen e Devlese.

Pazinen niko te na zarobini tumen čuče hem hovavne filozofijaja savi samo manušikani tradicija. Esavke sikaviba na avena e Hristestar, nego avena taro zoralipa akale svetosere.

Hem tumen nekad injenle mule zbog tumare prestupija hem zbog adava so pana na inele cidime tumari grešno priroda, ali o Devel vazdinđa tumen taro mule e Hristeja. Oprostinđa amenđe sa o prestupija, ađahar so poništinđa i optužnica savakere odredbe inele protiv amende hem cidinđa la ađahar so kovinđa la ko krsto.

Adalese so, ano e Hristesoro telo živini sa o pherdipe e Devlesoro. Hem tumen isi pherdipe ano leste, kovai šero upreder svako poglavarstvo hem vlast.

Adalese, niko te na osudini tumen zbog okova so hana ili so pijena, ili zbog nesavo prazniko, terno masek ili savato. Sai adava samo senka okolestar so valjanđa te avel, a okova soi čače adavai o Hrist.