Popular Bible Verses from 1 Zouao 3

Share

Ouimecotedeni, occa erredenissa tiquenarraro. Iape ettizara eti uana tani orrari nerrerana. Arri izepe irrirraroma imecotedeniza eti uana tana. Parrissa Deocca touati uanehe icarrizape icca madieza auato inanana, onarraro.

Zesopa pocca madie iaza eccorezape itoui zoqquerrariparra. Narrarorrinea arri touati uanehe icauatterarraroparri. Nema nezape ia naqui imecotedeni tocassiuauerauiuarrinepa iana ia eccorani bica tani.

Qqui! Abi Deopa itoui uati cauanari canarrarirrine madirra iaza: —Deocca erredeni −quequenanarrari. Nezape parrissa pocca erredeni iquerrenarraro. Naraha arrirraro zamacca madirra bazimapa Deoza noccodeni rrizaqquiri naporra narraria iaza naco noccodeni rrizaqquiri narrariparra.

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.

Nazama Deorrine zati iquerrenezape uimasiri ihinana nerrerarraroparri. Deocca danirri madie bicani icarrirraro. Deocca erredeni iquerrenezape uimasiri inanazanaponiuarrine ssamo tani.

Tiadeniza zepe sse tarrari orraria aniraha poua imecote cappiraui qqui taza acco icana-rrarazapa poua bodiza Deocca touati uanehe carrico? Carri-rraraui.

Pocca zossenirriza iboraqquiri inezape pouaza imadirraro. Poua naco iaza madirrariparra. Arra Poua Corime iaza da inarizarraripa narrarirrine Deo iaza madiui nauatoqquiri inarraroparri.

—Nerrecorraridenina Deocca erredenideni? Nerrecorraridenina Deoza uauadide Tocorime-Taminecca erredenideni? −titiquena naraha nauatoqquiri tiquenaniuarrinepe arrima narrarona parri: Madirra uima bicani ihinanemana nerrerarrarodenipa Deocca erredeni querrena-rrararrari. Madirra pouadeni imecotedeniza uatideni uaneraqquiri narrarideni naco Deocca erredeni querrena-rrararrari. Narraridenina Deoza uauadide Tocorime-Taminecca erredeni querrenarrari.

Arrirraro marinarrape taide mari mari quenapoza timittemanarronarraroa rridapana timittemanani parri naccani. Narrarope eti cauanerara cananiuarrinecca marinarra.

Ouimecotedeni, tiadeniza ouattipe arrima onarraro: Arrirraro zamacca uimaza madimanarraridenipa tiadeniza nacasseraqquiri naza uarro ticanire terrerana, onarraro.