Popular Bible Verses from Galasi munu 6

Share

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

’Ka dɔ ka ke lé we tɔntɔn kɔnénu wuo, a zo lé ka dan Krist lé bélidɔwe lɛ sɔɔ lɛ.

Té ka kabo saan we ’ko gi lo; wo ’ka bɔa dabli kɛlɛle lɛ Kazambale lɛ lo. Mi éé fɛan vɔa, yee duo lé é dan a gyɛ lɛ é ziin.

Mian éé fɛ vɔa é dɔbɛ kyɛn zé nya, é dan fɛ vɔnle ye lɛ ézé tɔnɔ nya; naa, mian éé fɛ vɔa Kazambale Léli zé nya, vole é yuɛma lé a glɛ ’ka lo, é dan a ye lɛ léli zé tɔnɔ nya.

Bwenu, dé ka a ye léé, mi do saanwe kɛlɛ, ka lé ka ke lélimunu nya, ’ka bɔ ’bɛzan va bli drɔɔ nya yé é dɔ é dɔbɛ gi. Ka faa ’é yuɛ pa kabozen va do do, dé wo da ka gi dan.

Dé é dɔ mian gi léé, ’é a blɛn, dɔlé té é ’ka we do kpen nya lo, ’té é a ébozen saanna é wo. Mi do do faa ébozen kɛlɛwenu va gini ma, yé é dan ébo tɔ zin femawe ye lɛ ébozen lé we ma; té ébo zé dan mi bɛ zé ma lo ma. Naa, é a lé mi faa do do ébozen lé kɔné si.