Popular Bible Verses from Galasi munu 5

Share

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo, bli drɔɔ koo, kɛlɛle i kɔlɛzan nya koo, woo lé. Bélidɔwe ’ka we ’konu ma lo.

Wean maa ke a fena, yee lé ke ’ko: ’ka tawo Kazambale Léli yɛrama, yé ka ’ka dan ka dɔbɛ kyɛn lé blibɔmawe kɛlɛle lɛ sɔɔ lɛ lo.

Dé kaa voo é yuɛma Kazambale Léli nya, kaa tawo é ziin Kazambale Léli lé we yɛrama ma.

Munu lé wo ke Jézu Krist zé nya, wo ’wo dɔbɛ kyɛn gyɛ yiliblan ta, é valé élé blibɔmawenu valé é lɔrɔ nya.

Mi faa mi dɔbɛ kyɛn kɛlɛwenu dɔɔ. Wo lé ke ’ko: pɛnpɛnnégyɛle koo, we tiridɔle koo, we vɔnle koo, miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo, palu kɛlɛle koo, bli bɔle fɛ ma koo, nwɛ lé mi gyɛle koo, kɛlɛle bun‐anzan nya koo, ’bɛ zoɛ we bɛnu koo, woo lé. Maa a lɛ kini ka lɛ, fɛan zo lé maa a fe ka lɛ é kyɛn, a zo, léé, munuan woo ’bɛ zoɛ wenu kɛla, wo ’ka dan tɔnɔ ble lɛ Kazambale lé fuatɛrɛ la monomono lo.

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

Naa, mi dɔbɛ kyɛn lé blibɔmawe a Kazambale Léli lé blibɔmawe ma é yɛrama, yé Kazambale Léli zé a é ziin mi dɔbɛ kyɛn zé ma é yɛrama; wa za kɛlɛna. Amalé wenu lé é sɔ ka lɛ léé, ka wo kɛlɛ bɛ, ka ’ka bɔa wo kɛlɛle lɛ lo.

Naa, bélidɔwe faa lɛ a é sɔɔle dére do kpen gi léé, ’i bɔluzan lɔrɔ pa bélé biibozen zo.

Té kaa kaabo kɛlɛ blɛn é boa lo, té kaa kaa ke ’léé wɛɛ lo; té kaa maawo kaa ke va lo.

Krist kaa si luu gi, kaa kɛlɛle miné nya we ma. Bɛwemalé ’ka dɔ gligli; té ka nyi si léé, ka wɔra wolé luubale gi é dɛrɛ lo.