Popular Bible Verses from 2 Kolɛntikalu 3

Share

M'i mɔ Tii min ya ko fɔla yi ne, wo le Nii Sɛnɛyanin ne. Ado mɔ Tii Nii Sɛnɛyanin vɛ kɛla tɛɛminja, lafɛlɛ le yi woja.

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

Kɛɛ ni mɔɔ min k'a jɛlɛ lasei mɔ Tii ma, faani wo kɛtɔ bɔla je.

A tɛ k'a fɔ ko a see yi mɔ yɛ ka baale suu wo kɛ mɔ jɛlɛ yɛ, kɛɛ maa see bɛ yi bɔla Ala le lɔ. Ale le na see dila mɔ ma ka mɔ kɛ bɔidennu le aa salatikan kula ya ko lɔ. Salatikan kula wo ma bɔ seliya sɛvɛnin nɔ, mafɔ Nii Sɛnɛyanin. Kamasɔlɔn seliya sɛvɛnin yi saya le lasena mɔɔlu ma, kɛɛ Nii Sɛnɛyanin yi niimaya le dila.