Popular Bible Verses from 2 Kolɛntikalu 1

Share

Tanuli yi Ala yɛ, min kɛnin mɔ Tii Masa Tɔɔmasenin Isa Fa le, ale min yi mɔɔmaɲumayenba le, ado Ala le yi mɔ masawalila boloɲa suu bɛ ma. A do yi mɔ masawalila maa tɔlɔya bɛ le lɔ, fɔsa ǹu gbu yi se ka mɔɔ tɔlɔyanin suu bɛ masawali, iwo Ala na mɔ masawalila teme.

Kamasɔlɔn mɔ fɛ bilanin Masa Tɔɔmasenin ya tɔlɔyalu la teme bɛlɛbɛlɛ kɛ, wo boloɲa kelen ma, Ala yi mɔ masawalila bubale ka bɛn Masa Tɔɔmasenin ne ma.

Tuɲa le, a tɛɛ mɔ kɔnɔ ko saya la vɛ tɛɛ mɔ ma. Kɛɛ wo kɛnin alako mɔ kana mɔ bolomala mɔ jɛlɛ ma, mafɔ Ala min yi fulenilu lawulila.

Ado Ala gbu yi mɔ ni àilu lasawatila Masa Tɔɔmasenin ya kafonɲɔɔya le lɔ. Ale le na mɔ tala, ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.

Ni gbalo vɛ la mɔ kɔkan, wo kɛnin ài masawaliko ni àiya kisiko le lɔ. Ado ni mɔ ma vɛ sawali, wo kɛnin ài masawaliko le lɔ, ni ài ka maa tɔlɔya suu mina ài ma sawali boloma.