Popular Bible Verses from 2 CORINTIOS 7

Share

esepia ko nungar vɨ'are'ɨ̇sa Tüpä oipota va'e yande angaipa mboasɨ uka chupe yande yevɨ agwä, ipɨpe sui ni'ä yañepɨsɨrö yande pɨ'añemoñeta rerova e'ɨ̇sa pɨpe. Ko ɨvɨ pɨpendar vɨ'are'ɨ̇sa rumo manosa tëi vɨreko yandeu.

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

kurïtëi che avɨ'arete; nda'ei rumo pe vɨ'are'ɨ̇sa rese egwë a'e, esepia ko pe vɨ'are'ɨ̇sa sui pemboasɨ pe angaipa Tüpä upe pe yevɨ agwä. Evokoi nungar Tüpä oipota, evokoiyase ore ñe'ë ndoyapoi mba'e naporäi va'e peü